|
Mércores, 22 Maio 2013 09:16 |
|
Temen que o goberno local pretenda deixar a negociación en punto morto para precarizar máis as condicións do persoal laboral
A Sección Sindical da CIG en Betanzos vén de denunciar publicamente que máis de un ano e medio despois de ser denunciado polo Comité de Empresa, o Concello de Betanzos “teima en deixar en punto morto a negociación do convenio colectivo baixo a pretensión de deixar ao persoal laboral sen convenio”. Así, explican, a día de hoxe, e despois de escasas reunións, non está nin a metade do convenio negociado e as conversas están en punto morto dende hai catro meses.
 Dende a Sección Sindical da CIG entenden que a finalidade de dilatar esta negociación non é outra que provocar que o persoal laboral do Concello de Betanzos quede sen o seu marco normativo de referencia, o que provocaría en moitos casos unha perda de dereitos, maior precariedade e un maior abismo entre as condicións do persoal laboral e funcionario pola aplicación de diferentes normativas en función do tipo de contrato. “Esta paralización da negociación moito nos tememos que pode supor un dos maiores retrocesos para o persoal laboral por culpa dun goberno empeñado en agravar as diferenzas co funcionariado e que non é quen de dialogar cos seus propios traballadores/as”, denuncian.
|
|
Ler máis...
|
|
Martes, 21 Maio 2013 08:46 |
|
Con motivo do paro xeral, e baixo o lema “Ferrol esixe solucións”, haberá manifestación ás 12 horas dende o Inferniño
As organizacións sindicais CIG, CCOO, UGT e USTG de Ferrol veñen de anunciar a convocatoria de Folga Xeral Comarcal para o mércores 12 de xuño, ante a situación de “emerxencia total” que sufre Ferrolterra. Con motivo do paro xeral, que as centrais sindicais agardan sexa un éxito en contra das "nefastas políticas do goberno estatal e da Xunta", está convocada tamén unha manifestación que partirá ás 12:00 horas dende o Inferniño e rematará na Praza do Concello.
A convocatoria foi feita pública este luns en rolda de prensa polos responsábeis comarcais de cada unha das centrais sindicais, que avanzaron que o paro xeral se desenvolverá baixo o lema “Ferrol esixe solucións”. A este respecto, o co-voceiro da CIG-Ferrol, Xesús Anxo López Pintos, apuntou que dende hai dous meses as catro organizacións sindicais veñen mantendo contactos co obxectivo de artellar unha resposta conxunta ante a alarmante situación socio-económica que arrastra a comarca dende a mal chamada reconversión do naval, agudizada agora polo actual contexto de crise global.
|
|
Ler máis...
|
|
|
Martes, 21 Maio 2013 08:44 |
Baixo o lema “É necesario, é posíbel. Organización, loita, soberanía”
A vindeira fin de semana celebrarase en Compostela, o VI Congreso da Confederación Intersindical Galega, no que participarán un total de 682 congresistas: 540 delegadas/os elixidas/os polas distintas federacións nas comarcas; 136 membros do Consello confederal e 6 da Comisión de Garantías. Está xa confirmada a presenza de 25 delegacións internacionais. O lema escollido pola central sindical “É necesario. É posíbel. Organización, loita, soberanía”, sintetiza os principais elementos a debate.
|
|
Ler máis...
|
|
Sábado, 18 Maio 2013 10:19 |
Nese intre celebrábase do lado o Consello da Xunta
Coincidindo coa celebración do Consello da Xunta e tras da publicación no DOG da nova RPT pola que se despedía a 59 traballadores e traballadoras da administración pública, as organización sindicais con representación na Mesa Xeral de Emprego Público de Galiza convocaban concentracións diante dos principais edificios administrativos para manifestar a súa oposición ás amortizacións, destrución de emprego e consecuente deterioro dos servizos públicos.
Galería de imaxes
En Compostela a concentración celebrábase no edificio administrativo de San Caetano, onde nese intre se celebraba o Consello. A convocatoria estaba confirmada para as 11:30 horas, con cazolada e asubíos incluídos. Aos poucos minutos de comezar efectivos policiais desaloxaban da explanada interior do recinto onde se adoitan realizar todas as concentracións ás persoas concentradas. A xustificación, que molestaban aos membros do goberno galego que se reunían xusto do lado.
|
|
Ler máis...
|
|
