|
Nacional -
RPT e estrutura
|
|
Venres, 05 Marzo 2010 00:28 |
|
Se a receita do éxito da política de I+D+I consite en mimar aos seus recursos humanos, non se espera demasiado éxito se se comeza por tratar de xeito despectivo ás persoas encargadas da súa xestión. Por pedimento da CIG, a semana pasada tivo lugar unha xuntanza co secretario xeral da Consellaría de Economía e Industria para falar sobre o anteproxecto de Lei polo que se autoriza á Xunta de Galicia para a creación da Axencia Galega de Innovación. A motivación desta reunión nace de dous extremos: 1) a falta de información ao persoal afectado e aos seus representantes, e 2) o contido no seu articulado de elementos que son materia de negociación e que afectan ás condicións de traballo dos empregados públicos.
|
|
Ler máis...
|
|
Nacional -
Listas substitucións
|
|
Luns, 01 Marzo 2010 22:40 |
|
O D.O.G. do día 26 de febreiro de 2010 publica as resolucións polas que:
- se acorda o peche e a apertura das listas para a incorporación de novas solicitudes para a contratación temporal de persoal laboral da Xunta de Galicia e o nomeamento de persoal interino correspondente a determinados grupos, categorías, corpos e escalas, e se adapta a forma de presentar as solicitudes.
- se fai pública a actualización provisional de méritos correspondentes ao ano 2009 das listas para a cobertura, con carácter transitorio, de prazas reservadas a persoal funcionario e a contratación temporal de persoal laboral da Xunta de Galicia.
|
|
Ler máis...
|
|
Nacional -
Mesas negociación e órganos representación
|
|
Martes, 23 Febreiro 2010 14:04 |
|
Reunión da Comisión de Seguimento do Acordo sobre a xornada de traballo do persoal subalterno e sobre as retribucións do persoal subalterno e auxiliar administrativo que presta servizos nos centros educativos dependentes da Consellería de Educación e Ordenación Universitaria. 22/02/2010.
Na xuntanza, desde a CIG presentamos a problemática que se está a producir en torno ao Acordo:
A) Problemas de interpretación do acordo |
|
Ler máis...
|
|
Nacional -
Saude laboral
|
|
Mércores, 17 Febreiro 2010 10:55 |
|
O día 4 de febreiro comezou a campaña de vixilancia da saúde para o ano 2010, polo que xa está aberto o prazo para solicitar o recoñecemento médico para o persoal da Administración Xeral da Xunta de Galicia. No DOG do día 3 de febreiro publícase a convocatoria para anotarse, de xeito voluntario, aos recoñecementos médicos periódicos. A solicitude farase de xeito telemático, a través da páxina web do Servizo de Prevención de Riscos, picando na ligazón habilitada na marxe dereita (petición de recoñecemento médico anual). O prazo para poder solicitalos remata o vindeiro 4 de abril.
|
|
|
Nacional -
Saude laboral
|
|
Mércores, 03 Marzo 2010 15:05 |
|
Por pedimento da CIG mantivemos unha xuntanza coa secretaria xeral de Presidencia, Administracións Públicas e Xustiza, Beatríz Cuiña Barja, e co subdirector xeral de Servizos Comúns, José Luís Maestro Castiñeiras, para denunciar as eivas e incumprimentos en materia de prevención de riscos laborais na Xunta de Galicia. Os temas tratados, dado a súa especial relevancia dentro da Xunta e por ser os que suscitan maior interese no persoal e nos delegados e delegadas de prevención, foron: as avaliacións de riscos, as convocatorias dos Comités de Saúde e Seguridade Laboral (CSS), a vixilancia da saúde e os problemas coas prestacións da Mutua. |
|
Ler máis...
|
|
Nacional -
Outras informacións e conflitos xerais
|
|
Martes, 23 Febreiro 2010 14:21 |
|
O día 18 de febreiro tivemos unha xuntanza coa Consellaría de Traballo polas oficinas de emprego (PRODI). A Consellaría infórmanos de que Administración Xeral do Estado concedeulle unha subvención por unha cantidade de 73.000 € para o reparto de produtividade entre os/as traballadores/as das Oficinas de Emprego pola maior carga de traballo entre o día 16 de agosto de 2009 e o 31 de decembro de 2009 por mor do aumento do plan PRODI. Esta cantidade e o concepto veñen marcados polo Estado polo que non se poden cambiar, o único que se ten que negociar é si é lineal para todos/as os/as traballadores/as das oficinas de emprego. |
|
Ler máis...
|
|
Nacional -
Listas substitucións
|
|
Venres, 19 Febreiro 2010 17:26 |
|
Dende a Dirección Xeral de Función Pública achegáronnos hoxe o borrador da resolución pola que se modifican algúns aspectos relacionados coas listas de substitución. Nesta resolución se acorda o peche dalgunhas listas, reábrense outras por mor da resolución de determinados procesos selectivos, elimínase a obriga de presentar o DNI coa solicitude e se establece como únicos modelos válidos de solicitudes, a partir do 1 de marzo, os que xerados a través da correspondente aplicación da seguinte páxina web da Xunta de Galicia.
Nesta resolución inclúese un anexo I e II nos que se relacionan as listas que están pechadas neste período que comeza o 1 de marzo e as listas que están abertas, estes anexos aínda non están revisados polo que poden conter algún dato erróneo. A intención da DXFP é enviar ao DOG a resolución o próximo luns para que se puidera publicar entre o 25 e o 26, xa que afecta as novas solicitudes. Ata entón podedes comunicarnos as vosas alegacións a través dos nosos foros. Por outra banda, infórmasenos de que a próxima semana publicarase a actualización provisional de méritos. |
|
Nacional -
Retribucións
|
|
Martes, 16 Febreiro 2010 11:54 |
|
 Poñemos á tua disposición un folleto coas retribucións do persoal laboral e funcionario para o exercicio 2010. Preme nesta ligazón.
|
|
